Modiwl i fonitro addysgu a dysgu, gyda chyfleuster dadansoddi i oleuo gwelliannau a darparu tystiolaeth ar gyfer llywodraethu da. Defnyddiwch ochr yn ochr â Fframwaith Monitro Safonau XLence.
Mae’r Modiwl Datblygu Addysgu a Dysgu yn darparu’r offerynnau er mwyn i uwch-arweinwyr ddadansoddi’r addysgu a’r dysgu ac adnabod meysydd y mae angen eu gwella fesul athro neu bwnc neu fel ysgol gyfan.
Gall uwch-arweinwyr ddefnyddio’r Gwersi a Ddysgwyd er mwyn dangos ansawdd yr addysgu a’r dysgu i lywodraethwyr, ymddiriedolwyr ac eraill e.e. cynghorwyr neu arolygwyr, a hynny mewn ffordd hwylus. Mae hefyd yn darparu tystiolaeth sy’n ddelfrydol ar gyfer eich prosesau hunanadolygu.
Mae’r modiwl yn un hyblyg ac yn gallu cynnwys dewis o ffurflenni monitro ar gyfer addysgu a dysgu, gan gynnwys arsylwadau gwersi, troeon dysgu, craffu ar lyfrau a llawer iawn mwy. Gallwch ddefnyddio ein ffurflenni parod, sy’n defnyddio Fframwaith Monitro Safonau XLence fel sylfaen, neu ddefnyddio fframweithiau a ffurflenni eich ysgol chi.
Gellir teilwra ffurflenni’n helaeth, ac mae yna opsiynau i actifadu neu ddiffodd beirniadaethau, creu setiau beirniadaeth newydd ar gyfer ffurflenni penodol ac ychwanegu meysydd er mwyn cofnodi pwyntiau datblygu a chryfderau lle bo hynny’n berthnasol. Mae i fyny i chi pa mor gymhleth neu syml y mae eich ffurflenni.
Gyda’r sgriniau dadansoddi hawdd eu defnyddio, gellir cael trosolwg cyflym o lefel yr addysgu a’r dysgu, fesul unigolyn neu adran neu fel ysgol gyfan. Mae’r crynodebau o’r pwyntiau datblygu a’r cryfderau yn eich galluogi i weld os oes maes penodol sy’n gryfder neu’n wendid yn eich ysgol.
Gall athrawon gael eu manylion mewngofnodi eu hunain sy’n eu galluogi i weld ffurflenni a gwblhawyd amdanynt a gellir rhoi mynediad i arweinwyr canol at ffurflenni a dadansoddiadau ar gyfer eu pwnc/maes neu grŵp blwyddyn. Gellir cael mynediad at gofnodion pwynt datblygiad ar bob lefel, er mwyn i unigolion allu gweld yr adborth a roddwyd iddynt a chofnodi camau gweithredu yn eu herbyn i ddangos sut y maent wedi ymateb.
Prif Fuddion
- Gwybodaeth glir, wedi ei chyflwyno’n dda.
- Data trefnus a strwythuredig er mwyn bwydo penderfyniadau.
- Mynediad diogel ar unrhyw adeg, o unrhyw le.
- Y gallu i uwchlwytho atodiadau i ffurflenni (dogfennau Word a PDF, delweddau ac ati).
- Sicrhau bod adborth yn deg a bod fframweithiau cyffredin y gall bob un eu dilyn.
- Gweithio ar bob dyfais sydd â chysylltiad at y Rhyngrwyd gan gynnwys llechi.
- Diweddariadau ac ychwanegiadau rhad ac am ddim i’r system trwy gydol eich tanysgrifiad.
- Cyfle i fod yn rhan o’r gwaith datblygu – mae’n braf clywed eich syniadau!
- Cymorth neilltuol i gwsmeriaid, a sesiynau hyfforddiant ar-lein rhad ac am ddim, pan fydd arnoch eu hangen.
Newydd ar gyfer 2018/19 – Ffurflenni Adborth
Nid yw ein ffurflenni adborth wedi eu cysylltu at unrhyw fath penodol o fonitro (er enghraifft arsylwi ar wersi neu droeon dysgu) a gellir eu defnyddio i anfon adborth cadarnhaol, negyddol a niwtral yn gyflym, i aelodau niferus o staff, pynciau, grwpiau blwyddyn a dosbarthiadau, ar yr un pryd. Gallwch hyd yn oed ddyrannu adborth at rôl benodol (e.e. pob athro neu’r Uwch-dîm Arwain). fel bod pawb sydd â’r rôl honno yn gallu gweld yr adborth a rannwyd gyda nhw.
Gall aelodau o staff weithredu ar sail eu hadborth nhw eu hunain trwy ychwanegu tystiolaeth a nodi ei fod wedi ei gwblhau unwaith y byddant wedi gweithredu.
Yng Ngeiriau Ein Cwsmeriaid
“Roedd y system yn ddefnyddiol iawn. Roedd trosolwg o’r holl arsylwadau a wnaed yn yr ysgol ar flaen fy mysedd, roeddwn yn gallu darparu data ar gyfnodau allweddol a phynciau gwahanol fel rhan o sylfaen dystiolaeth yr ysgol.”
“Roeddwn yn gallu dangos ble y mae ein cryfderau a’n gwendidau, ynghyd â chanran yr athrawon sy’n gweithio ar lefel ‘Dda’ neu’Ragorol’. Am ychydig gannoedd o bunnau, roeddwn i’n gallu atal yr ysgol rhag cael gradd ‘Digonol’ ar sail yr hyn yr oedd arolygwr wedi ei weld mewn deuddydd.”