skip to Main Content

5 Modiwl —

100oedd o Bosibiliadau

System ar-lein fforddiadwy, sydd mor hyblyg y byddwch yn credu i ni ei theilwra’n arbennig i’ch ysgol chi.

Mae System Ar-lein XLence ar gael yn Gymraeg ac yn Saesneg ac mae’n cynnwys pum modiwl y gall yr ysgol ddewis a dethol ohonynt, gan ddibynnu ar ei hanghenion.

Ar gael yn Gymraeg ac yn Saesneg

Modiwl Adolygu 360

Mae’r Modiwl Adolygu 360 yn defnyddio siartiau radar (seren/corryn), ac mae’r sbôcs yn alinio gyda’r Safonau Proffesiynol ar gyfer Addysgu ac Arweinyddiaeth.

Gallwch ddefnyddio’r Modiwl Adolygu 360 gyda Fframwaith Adolygu Safonau XLence i greu offeryn grymus ar gyfer hunanadolygiad ac adolygiad gan gymheiriaid. Gydag amser, mae’n gymorth i’r staff i weld sut y maent yn datblygu yn erbyn Y Safonau Proffesiynol. Gallwch hefyd ei ddefnyddio i fwydo gwybodaeth i’r Pasbort Dysgu Proffesiynol.

Modiwl Datblygu Addysgu a Dysgu

Gellir defnyddio’r Modiwl Datblygu Addysgu a Dysgu i storio’r holl ffurflenni y mae’ch ysgol yn eu defnyddio ar gyfer arsylwi gwersi, troeon dysgu, craffu ar waith a mwy. Gallwch ddefnyddio’r Modiwl hwn gyda Fframwaith Monitro Safonau XLence, i greu offeryn grymus i fonitro datblygiad addysgu a dysgu ochr yn ochr â’r Safonau Proffesiynol.

Mae’r data o’r ffurflenni sydd wedi eu cofnodi ar y system yn bwydo cyfres o sgriniau dadansoddi ac oddi yno gellir cael hyd i wybodaeth gryno er mwyn ei rhannu gyda llywodraethwyr ac ymddiriedolwyr. Gall uwch-arweinwyr olrhain materion datblygu a chamau gweithredu manwl yn hawdd, a gall athrawon unigol ddilyn eu datblygiad eu hunain dros gyfnod o amser.

Modiwl Arfarnu a Datblygu Staff

Mae’r Modiwl Arfarnu a Datblygu Staff yn cefnogi adolygiadau cynnydd rheolaidd ar gyfer staff, sydd wedi eu strwythuro’n dda, yn erbyn eu hamcanion blynyddol ac mae’n tanlinellu’r cymorth y mae arnynt ei angen i’w cyflawni. Mae adroddiadau gweithgarwch yn rhoi manylion cryno i uwch-arweinwyr am y broses arfarnu staff.

Mae’r porth ar-lein yn cefnogi dull gweithredu ysgol gyfan ar gyfer gosod amcanion perfformiad staff a’u monitro. Gall staff gael mynediad at eu hamcanion eu hunain yn ôl yr angen, gan ychwanegu tystiolaeth o’u cynnydd hyd yn hyn a chadw nodiadau i’w trafod yn nes ymlaen. Caiff yr Uwch-dîm Arwain drosolwg o’r amcanion sydd wedi cael eu cyflawni a gall rannu’r wybodaeth hon yn ddienw gyda llywodraethwyr ac eraill.

Modiwl Datblygiad Proffesiynol Parhaus

Gyda’r Modiwl Datblygiad Proffesiynol Parhaus, gallwch olrhain yr holl gyrsiau a’r hyfforddiant y mae aelodau staff yn eich ysgol wedi eu cwblhau, a defnyddio’r adborth a gafwyd ganddynt i lunio eich cynllun DPP wrth symud ymlaen. Mae’r modiwl hwn yn rhad ac am ddim gydag unrhyw fodiwl arall a brynir.

Modiwl Datblygu’r Ysgol

Mae ein Modiwl Datblygu’r Ysgol yn cefnogi cylch gwella’r ysgol gyfan, o gasglu a dadansoddi tystiolaeth i gefnogi’r sefyllfa bresennol (Adolygiad Hunanwerthusiad) i gynllunio a gweithredu camau i wella (Cynllun Datblygu’r Ysgol).

Mae’r system yn eich galluogi i greu templedi ar-lein arbennig ar gyfer eich dogfennau Adolygiad Hunanwerthuso a Chynllun Datblygu’r Ysgol a gallwch ddefnyddio’r rhain ar draws yr ysgol i ddangos sut y mae’r ysgol ac adrannau unigol yn dod ymlaen gyda’u blaenoriaethau.

Back To Top

How to Maximise Use of the Professional Standards

Two Important Workshops for Leaders and Teachers

From January 22nd until March 19th, we’ll be running a series of workshops which will explore realistic ways in which schools can use the Professional Standards for Leadership, Teaching and Assisting Teaching to evaluate practices, identify strengths and secure developments.

Find Out More

We use cookies to improve your online experience. For information on the cookies we use and for details on how we process your personal information, please see our privacy policy. To make full use of our website you must accept the cookies by clicking the button below. You can reset your cookie preference at any time by using the 'Reset Cookie Consent' button in our website footer.